Ветробранското стакло на авионот на чешката влада, со кој во Русија патувал премиерот Петр Нечас, пукнало за време на летот, а во инцидентот, за среќа, нема повредени, и авионот безбедно слетал во Москва.
Канцеларијата на чешкиот премиер соопшти дека до инцидентот дошло во близина на Минск во Белорусија, на летот со кој Нечас патувал во Москва на разговори со руски функционери.
Пилотите најпрво ја разгледале можноста за принудно слетување, пред да одлучат да го продолжат летот, на помала висина.
