За прв пат годинава, пред почетокот на туристичката сезона, во Охрид нема таканаречени туристички водичи кои на диво им ја раскажуваат историјата на градот и ги нудат убавините на најатрактивните локации на туристите, често со искривени приказни и неточни податоци.
Општината реши да ја спречи ваквата појава. Во придружба на гостите може да има само лиценцирани туристички водичи, останатите ќе се гонат прекршочно и ќе следува парична казна. Општинските инспектори секојдневно се на терен.
-Согласно законот секоја група мора да има лиценциран туристички водич. Секојдневно имаме засилен инспекциски надзор без разлика дали има приговор на туристичките водичи и на туристичките капацитети. Се утврдува дали тие ги исполнуваат законските услови, вели раководителот на општинскиот инспекторат Танас Танасоски.
Vecer
