Женски труп бил пронајден попладнево во Кичево во близина на хотелот Панорама, дозна Курир.
Според информациите, трупот бил во фаза на распаѓање, а бил откриен во шумата во близина на хотелот.
Од полицијата за Курир потврдуваат дека имаат пријава за пронајдено починато женско лице околу 18:45 часот. Детали не се соопштуваат бидејќи увидот се уште трае.
Постојат сомневања дека починатата е Валери, бидејќи според информациите до кои дојде Курир пронајдени биле патики, чанта, облека и други предмети кои се слични и наликуваат на описот на предметите кои насебе ги носела Валери дента кога исчезнала, а опишани од нејзиниот сопруг.
Таа е пријавена за исчезната од 25 јули. За информација околу нејзиното пронаоѓање, сопругот на Валери пред неколку дена понуда парична награда во износ од 5.000 евра.
Од полицијата за Курир велат дека се уште не е утврден идентитетот на починатата и засега не можат да потврдат дали станува збор за Валери.
