Милиони луѓе ширум светот користат шумечки таблети не знаејќи дека тие го зголемуваат ризикот од срцев па и мозочен удар. Имено, тие имаат висок процент сол, предупредуваат научниците.
Научниците од неколку британски универзитети откриваат дека луѓето кои земале шумечки таблети против болки, додатоци на витамини или други шумечки лекови лесно ја надминуваат дневната максимална доза на натриум, главната состојка на солта.
Високиот процент внесена сол е директно поврзан со зголемен крвен притисок, што е клучен фактор на ризикот за мозочен удар, срцев удар и други кардиоваскуларни болести.
