Времето утре во Македонија ќе биде облачно со услови за краткотрајни врнежи од дожд и снег, а на планините врнежите ќе бидат од снег. Ќе дува умерен, а во источните делови повремено засилен северен ветер.
Утринската температура ќе се движи од минус три до два, а дневната од три до девет степени.
Во Скопје ќе преовладува облачно време. Во претпладневните часови со услови за краткотрајни врнежи од дожд, а повремено некаде и со краткотраен снег. Утринската температура ќе се спушти до минус еден, а дневната ќе се искачи до седум степени.
Во текот на следните денови ќе преовладува претежно сончево време. Поголемо спуштање на температурите ќе се почувствува во среда, а понатаму следува нивно благо покачување. /Извор: МИА/
ОБНОВЕНО: Според метеоролошката станица на Норвешка, YR, утре во Скопје ќе биде делумно облачно во утринските часови, а попладне претежно сончево без врнежи.
