Вчера околу 16 часот во близина на хотелот „Бисер“ на струшкото крајбрежје, спасени се три малолетни лица од водите на Охридското езеро и вратени на копно во акцијата на полициската станица за граничен надзор „Охридско езеро“, пренесува Денешен
Невремето и силниот ветер неконтролирано ја носеле изнајмената педалинка кон албанските територијални води, во која се наоѓале малолетниците.
-Езерската патрола изврши итно пребарување на езерскиот квадрант, и на околу 1,5 километри од езерскиот брег наспроти хотелот „Бисер“ ја забележа педалинката и трите малолетници, соопштуваат од СВР Охрид.
Поради големите бранови, тие биле видно вознемирени и не можеле да ја управуваат и контролираат педалинката што претходно ја изнајмиле пред хотелот „Дрим“ во Струга.
