Даријан Мишиќ, убиецот на манекенката Владислава Червенко, кој брутално ја измачуваше, а потоа и ја уби во нејзиниот стан на 12 ноември 2012 година, за грозоморното дело кое го направи, си заработи 40 години затвор, пренесе српскиот Блиц.
Во јули минатата година Мишиќ беше осуден на 35 години затвор, но Апелациониот суд ја укина оваа одлука и го врати судскиот процес од почеток, по барање на адвокатот на убиецот.
Новиот судски процес започна во март годинава.
За потсетување, Даријан ја уби Владислава Червенко во нејзиниот стан во Нови Сад. Како што потврдија вештаците, тој брутално ја мачел, и го скршил секое ребро на телото, а потоа и ја убил. Даријан се обиде да докаже дека бил непресметлив за време на убиството, но вештаците го потврдија спротивното.
