Како бомба во сите светски медиуми одекна веста дека Анџелина Џоли и Бред Пит се разведуваат по 12 години врска. Иако првобитните инфомации зб оруваа дека Анџелина поднела барање за развод на бракот, бидејќи не и се допаѓало како Бред ги воспитува нивните деца, медиумите тврдат дека главниот виновник за разводот наводно е француската актерка Марион Котијар, со која Бред веќе со месеци ја изневерува Анџелина.
Иако ниту еден од нив не се огласил по повод овие тврдења, медиумите наведуваат дека Анџелина веќе извесно време била многу тажна и несигурна во љубовта на Бред, па ангажирала детектив кој со месеци го следел актерот. Кога наводно се открило дека Бред е во врска со Марион, Анџелина полудела и веднаш му соопштила на сопругот дека сака развод.
“Таа најмила приватен детектив зашто почувствувала дека флертува со неа на сетот, и излегло дека тоа е вистина. Тоа беше последната капка“, раскажал анонимен извор пред весникот. Пит и Котилар во моментов заедно учествуваат во нов филм “Allied“.
Адвокатот Роберт Офер рекол дека актерката во понеделникот побарала развод, додавајќи дека одлуката е донесена поради „здравјето на нејзиното семејство“.
– Таа нема да коментира, и замолува семејството да ја задржи приватноста во овој момент – рекол Офер во изјавата.
Славната актерка документите на суд ги поднела во понеделник, а како причина за развод навела непомирливи разлики. Таа бара целосно старателство над нивните шест деца, со дозвола на Бред да ги посетува. Извори наведуваат дека Анџелина многу ја нервирало тоа што Бред консумира марихуана и алкохол.
