По завршувањето на повеќечасовната лидерската средба во Клубот на пратеници на која се разговараше за спорот со името со соседна Грција, претседателот на ДУИ, Али Ахмети, изјави за новинарите дека ова бил еден од најплодните состаноци за ова прашање.
„Ова беше еден од еден од најплодните состаноци. Бевме информирани за средбата меѓу Заев и Ципрас. Го ценам дијалогот за потрага по решение. Ова е почетокот на крајот на еден процес за Македонија. Важно е да бидеме дел од НАТО во мир и стабилност”, рече Ахмети.
Не откри повеќе детали за состанокот за, како што рече, да не го наруши процесот.
