Ако за време на оние денови, влошката или тампонот треба да го менувате на секој час или ако менструацијата ви трае повеќе од 7 дена, тогаш веднаш одете на лекар.
Новите истражувања покажуваат дека 80% од жените не бараат стручна помош во овие два случаи.
Причината за ваква менструација може да биде одреден вид на пореметување во крварењето.
Истражувањето покажува дека 25% од жените со силна менструација имаат вакво пореметување, а за тоа воопшто не се свесни.
Контрацепциските пилули може да помогнат при регулација на крварењето, ако станува збор за обилно крварење поради хормонарна нерамнотежа.
Постои можност обилното крварење да биде предизвикано од миоми или полипи, што е уште еден случај за кој треба да се обратите на лекар.
Проблемот кај обилното крварење е појава на анемија, која е честа во ваквите случаи.
Но, еден од најважните начини за да ги спречите силните и болни менструации е да внимавате што јадете.
Треба да го избегнувате црвеното месо и пилешкото, но и да го намалите конзумирањето на млечни производи.
Прехраната треба да се базира на овошје и зеленчук кој може да биде зготвен.
Важна е физичката активност, која општо допринесува за зајакнување на телото, но и поголема отпорност на болка.
