Прво, потруди се никој да не дојде до твоите податоци и содржини во телефонот, а потоа погледни каде отприлика се наоѓа…
Да се изгуби телефон или некој да ви го украде секако не е пријатно искуство. Сепак, новиот сервис на Google би можел барем малку да помогне во неговото пронаоѓање и заштитата на личните податоци.
Google на почетокот на август најави нов сервис, по угледот на Apple и Windows Phone. Android Device Manager ќе овозможи лоцирање на изгубениот или украден телефон и бришење на содржината на смартфонот од други локации.
Доколку не сте сигурни каде сте го оставиле телефонот, а сигурни сте дека не сте го изгубиле, можете дури и да го „повикате“ вашиот телефон, односно на него да активирате звонче со максимална силина на звукот, за полесно да го пронајдете.
Android Device Manager овозможува следење на украдениот или изгубен телефон на мапа во реално време, заедно со информации за негово движење.
Оваа можност наскоро ќе биде достапна за сите Андроид уреди 2.2 верзија и понова. Користењето ќе биде бесплатно, а ќе биде понудена и апликација за полесно и брзо користење на новиот сервис.
Google на својот официјале блог наведува дека е потребно само логирање на Google профилот за да може да се користат сите сервиси на Android Device Manager.
