Ценарот на градот Скопје сè уште нема јавно веце. Скопјани немаат каде за извршат нужда доколку ги затекне таква потреба, кога се шетаат или пак, минуваат покрај плоштадот „Македонија“, пишува Вест.
Граѓаните велат дека ги употребуваат тоалетите на кафулињата и на продавниците. Вака скопјани се снаоѓаат со години, пишува „Вест“.
Освен јавното веце под мостот „Гоце Делчев“или во некој мобилен тоалет, нема ниту едно друго пристојно јавно веце. Од град Скопје, топката ја префрлаат кај општините, кои пак најавуваат дека во иднина ќе се изградат јавни тоалети.
-Јавните вециња се наша обврска, и имаме во план на пролет, да почнеме со нивна изградба, велат за „Вест“ од Општина Центар.
И останатите Општини имаат намера да го решат проблемот со недоволниот број на тоалети бо градот, но нивните планови се за в година.
Повеќе може да прочитате во утрешното печатено или електронско издание на весникот.
