Денеска се навршуваат точно 40 години откако Мартин Купер, инженер во „Моторола“, го оствари првиот разговор преку мобилен телефон со Џоел Енџел од компанијата АТ&Т.
– Џоел, те барам од „првиот“ мобилен телефон. Пренослив телефон, со овие зборови на 3 април 1973 година Купер му се обратил на Енџел, кој му бил главен конкурент во работата.
Неговиот „мобилен“, Dyna-TAC, тежел повеќе од еден килограм и имал облик на голема бела тула. Од него можело да се разговара дваесетина минути, а батериите се полнеле 10 часа.
Требаше да се почека десетина години за првите модели на овој телефон да се најдат на пазарот по цена од 3.500 долари.
