Банско е под целосна блокада и карантин – странците имаат 24 часа да заминат


Бугарскиот зимски центар Банско е под карантин и блокада, јави Бгнес. Тоа се случува по одлуката на Оперативниот штаб за борба со новиот коронавирус.

На вонредниот брифинг во Советот на министри, генерал-мајор Венцислав Мутафчиски објави дека вкупниот број на заразени достигнал 81 лице. Три од нив се од градот Банско. Тие се луѓе кои се занимаваат со активности поврзани со туризмот.

„Националниот оперативен штаб предлага Владата да преземе посилни мерки за градот Банско. Причината е што во градот се регистрирани три случаи на заразени со новиот коронавирус и зимските одморалишта се исклучително опасно место за ширење на заразата“, нагласи Мутафчиски

„Во Банско постои загрижувачки тренд на зголемување на заразата, рече тој.

Од доцна попладнево на територијата на Банско се воведуваат следните мерки: На сите лица кои живеат на територијата на градот им е забрането влегување и излегување од градот Банско. Лицата со постојана или тековна адреса во градот Банско кои се надвор од градот, можат да се вратат во своите домови до 20 часот на 18 март.

Министерот за внатрешни работи, Младен Маринов, рече дека се преземени сите законски мерки за да се испочитува наредбата. Мерките имаат за цел да го минимизираат ширењето на заразата. Во моментов во хотелите има околу 200 странски туристи. Мерките се воведуваат за рок од две недели.

На територијата на бугарскиот зимски центар Банско има околу 200 странски туристи. Веќе контактиравме со амбасадорите на земјите од каде се туристите. Нивните граѓани ќе можат да го напуштат градот во рок од 24 часа. Ова го изјави вицепремиерот и министер за надворешни работи на Бугарија, Екатерина Захариева за време на вонредниот брифинг во Советот на министри.

– Сите други ќе бидат во карантин, додаде таа.

„Две групи туристи од Велика Британија заминаа денеска. Има израелски туристи кои исто така заминуваат. Останаа малку странски туристи. Ќе обезбедиме контролиран пренесување на странските туристи до аеродромите, додаде таа.

MK News

Автор инфо

No comments yet.

Остави коментар

UA-33057274-1