Бездомникот Марк Шермингтон од британскиот град Шефилд и помогнал на 33-годишната Ели Веб, која една вечера кога се враќала кон својот дом била следена од сомнителен маж.
Храбриот 47-годишен бездомник го пресретнал сомнителниот маж, кој се преплашил од неговите кучиња и побегнал. По ова, Марк ја испратеил Ели до нејзиниот дом и на разделбата таа му го запишала нејзиниот телефонски број на книгата што ја читал.
Како што објави локалниот весник „Виган Тудеј“, следниот ден Марк и се јавил на Ели за да провери дали е добро и дали е се в ред, по што тие останале во контакт.
Меѓутоа, неколку месеци подоцна Ели дознала дека Марк морал да го премести својот шатор од местото на кое бил поставен, поради поплаките на жителите на околните згради на неговите кучиња.
Ели решила да преземе нешто и преку интерент страната „ГоуФандМи“ почнала да прибира донации, со кои му купила камп приколка на Марк.
Приколката во моментов се наоѓа на еден јавен паркинг, додека Марк очекува да се ослободи место во локалниот камп, каде ќе може да се пресели.
– Оваа не е дом, каков што посакувам за него, но сепак е чекор кон подобро. Сега барем има каде да се истушира и да спие, изјави Ели за „Виган Тудеј“.
