Бил Гејтс е опседнат со црни мисли, иако за себе вели дека е непоправлив оптимист.
Имено, Гејтс во интервју за Хафингтон пост открил од што најмногу се плаши, а тоа не се ерупции, земјотреси, астероиди, или пак нуклеарна војна.
Што би можело во наредните 20 години да убие 10 милиони луѓе?
– Сметам дека шансите за нуклеарна војна за време на мојот живот се прилично мали. Но, шансите за епидемија, и тоа многу полоша од еболата, се поголеми и од 50 отсто, изјавил Гејтс.
Последната глобална смртоносна епидемија била шпанската грозница која помеѓу 1918-тата и 1919-тата година убила 65 милиони луѓе, што е повеќе отколку што настрадале во Првата светска војна.
Но, епидемијата на ебола, усмрти 11.000 луѓе и воедно ни покажа колку е светот неподготвен за борба против заразните болести.
Гејтс изјавил дека според неговата анализа, денес за 50 пати повеќе луѓето ги минуваат границите, отколку што тоа било случај во 1918-тата година. Токму поради тоа, но и поради низа од многу други фактори, Гејтс проценува дека идната епидемија со размери од шпанската грозница би можела да убие и повеќе од 10 милиони луѓе, за само година дена.
– Ние креиравме, што се однесува до ширењето на вирусите, најопасна средина која некогаш воопшто постоела во историјата на човештвото, порачува Гејтс.
