Легендарниот пејач Боно од „ЈуТу“, откри дека за малку ќе умрел во периодот додека снимал песни од албумот „Songs Of Experience“.
Боно не сакал да изнесува детали за случката, а 57-годишникот за јануарското издание на „Ролинг стоун“ додал дека во новиот албум ја истражува токму темата – смртност.
Тој објаснил дека му е тешко да зборува за „настанот за умирање“, а додал дека се сомневале дека има рак на грлото (тестот бил негативен) и имал несреќа со велосипед пред неколку години.
– Луѓето имаат такви случки во животот, може да се психолошки или физички. Во мојот случај беше физички – рекол пејачот.
