Целиот свет денес зборува за изјавата на славниот актер Чарли Шин, кој открил дека е ХИВ позитивен. Се појавил на Today Show на телевизиската куќа NBC, и открил дека дознал дека е болен пред четири години, а болеста ја прифатил многу тешко. “Секогаш сум искрен за својата состојба и секогаш сум користел кондоми”, рекол Шин и открил дека се чувствува добро сега кога тајната е јавна.
ХИВ вирусот кој предизвикува сида припаѓа на семејството Ретровируси, кои по влегувањето во човековиот организам напаѓаат специфичен вид на бели крвни зрнца, T-лимфоцити, во нив се множи, ги уништува и постепено доведува до слабеење на имунитетот.
Славниот пејач на групата “Queen”, Фреди Мејкјури, починал во 1991. година од сида.
Истата година славниот кошаркар Меџик Џонсон признал пред светот дека е ХИВ позитивен. Денес има 56 години и научил да живее со тешката болест, а станал и голем активист и пример за сите оние кои се нашле во таа ситуација.
Рок Хадсон исто така е една од холивудските ѕвезди која признала дека е ХИВ позитивна. Тоа го споделил со јавноста во 1985. година, кога се мислело дека сидата е болест која ги напаѓа хомосексуалците.
Американскиот актер Ентони Перкинс, кој го паметиме по улогата во “Psycho” на Хичкок, исто така починал од сида во 1992. година.
Вилијам Холи Џонсон, познат како пејач на групата “Frankie Goes to Hollywood” и поранешен басист на панк бендот “Big in Japan”, во 1991. година дознал дека е ХИВ позитивен.
Џиа Мери Карнаги е позната како првиот американски супермодел. Иако градела успешна кариера, по зависноста од хероин нејзината слава почнала да опаѓа. Починала на 26 години по борбата со тешката болест. За нејзиниот живот во 1998. година бил снимен и филм, а манекенката ја глумела Анџелина Џоли.
