Челси Манинг, која одлежува долгогодишна затворска казна поради предавањето на повеќе од 700 илјади доверливи американски документи на сајтот Викиликс, извршила неуспешен обид за самоубиство.
Дваесет и осум годишната Манинг, која се викаше Бредли пред да го смени полот, одлучила минатата недела да си стави крај на сопствениот живот. Нејзиниот обид бил неуспешен.
Манинг е ставена под зајакнато набљудување.
Манинг, која е поранешниот аналитичар на разузнавачки информации во Ирак, беше осудена на 35 години затвор во 2013 година за предавање на доверливи документи на Викиликс. Тоа беше најголемото истекување на тајни материјали во историјата на САД.
