Данче Азманова е годинашната победничка на ораторската вечер на Школата за Млади лидери која е иницијатива на Претседателот на Република Македонија, Ѓорги Иванов.
Вкупно 9 учесници на седмата по ред Школа за млади лидери беа дел од Ораторската вечер, што се одржа во Охрид, a Претседателот Иванов, денес лично ја додели пофалницата на Азманова.
Школата за млади лидери по седми пат се одржува во Охрид, од 14 до 26 август, на иницијатива на претседателот Иванов. Идејата на претседателот Иванов е да им се овозможи на младите талентирани и амбициозни луѓе од Македонија да ги надградуваат и усовршуваат своите вештини, да ја развиваат својата креативност и лидерски способности.
