За наставничката се верува дека изгорела жива, а учениците биле принудени да гледаат како талибаните кои влегувале во училиштето убиваат 132 нивни колеги.
Девет пакистански талибани нападнале училиште во кое учат деца војници во Пешевар. Станува збор за еден од најсмртоносните терористички напади во историјата на земјата.
“Ја запалиле наставничката пред децата во одделението. Тие буквално ја полеале наставничката со бензин, ја запалиле, и ги натерале децата да гледаат”, рекол изворот за NBC, пренесува Daily mail.
Се верува дека еден бомбаш самоубиец се разнел во соба полна со деца, а некои од жртвите кои биле префрлувани во болницата, практично биле обезглавени, иако пакистанските власти не ја потврдиле оваа информација.
Ходниците на училиштето се полни тела на мртви ученици, а нивните зелено-жолти униформи се гледаат од вреќата со тела.
