Утрово околу 3:40 часот автомобил БМВ со шест млади лица на возраст од 16 до 20 години падна во Дунав во Белград. Нуркачите ги пронашле телата на три деца.
Тројца од патниците во автомобилот успеале да испливаат, а возачот, кој е еден од спасените, е веќе кај истражен судија. Според првите информации, возачот ја изгубил контролата и слетал во реката.
Лекарската екипа кај сите тројца преживеани констатирала хипотермија, намалена телесна температура. На брегот биле извлечени едно 19 годишно момче со хипотермија и знаци на агресија, 18-годишна девојка и 20-годишно момче, двајцата со знаци на хипотермија.
Автомобилот бил пронајден на дното на реката и наскоро ќе биде извлечен, јави Б92.
