Доцент од Ниш е уапсен од страна на српската полиција, откако барал 200 евра од Македонка за да и ја признае дипломата од медицинскиот факултет од Варна, Бугарија, пишува српскиот медиум Alo.rs.
Доцентот бил член на комисијата за нострификација на дипломите на Медицинскиот факултет во Ниш.
Македонката не ја имала целосно потребната документација, па откако доцентот и ветил дека ќе и ги набави потребните документи и дека ќе даде предлог за признавање на дипломата во сенатот на Универзитетот, Македонката го уплатила договорениот износ.
Доцентот кој доставил предлог за признавање на дипломата, се наоѓа во притвор.
