Полицијата во Њу Орлеанс со три куршуми застрелала маж на аеродромот „Луис Армстрон“ откако со мачета и спреј против инсекти нападнал работници, соопштија тамошните власти.
Осомничениот Ричард Вајт прво со мачета нападнал една работничка и ја пресекол нејзината рака, а потоа почнал да прска со инсектицид кон работниците, рекол шерифот на областа Џеферсон Невел Норманд.
Еден полицаец пукал во Вајт три пати кога се обидел да побегне. Норманд рекол дека Вајт е во болница и без свест.
Нападот на работниците прдизвикал паника меѓу патниците кои почнале да бегаат за време на пукањето.
Нема информации за мотивот на нападот.
