Во историски најголемите поплави во Венеција во последните децении , загинаа две лица, додека нивото на водата достигна дури 187 сантиметри над нормалата.
Повеќе од 85% од Венеција е поплавена, соопштија локалните власти, вклучително и историската базилика Свети Марко.
Иако нивото на морето падна утрово, се предвидува дека големите бранови носени од силен ветер, повторно ќе го кренат нивото на морето 1,60 метри, соопшти „Гардијан“.
Две лица загинаа синоќа во големите поплави , кои ја потопија Венеција.
Старец бил погоден од гром додека се обидувал да вклучи електрична пумпа во неговата поплавена куќа, додека телото на другиот човек е пронајдено во неговиот дом.
