Жителите на Норвешка имаат најмалку причини за нервоза и стрес, а најмногу нервози имаат жителите на Нигерија, покажуваат резултатите од истражувањето на агенцијата Bloomberg.
Податоците покажуваат дека мирната Швајцарија, која се наоѓа во врвот меѓу најдобрите земји кога е во прашање ниското ниво на стрес, практично има ист број на самоубиства, како и Јужна Африка, која се наоѓа на второто место според притисокот на нервниот систем што го трпат жителите.
Аналитичарите на Bloomberg ги земале во предвид бројот на убиства на 100 илјади жители, просечните примања, нивото на нееднаквост, корупцијата, бројот на невработени, животниот век и екологијата.
Ако сакате да живеете во држава во која нема многу причини за стрес и во која нема многу нервозни граѓани, покрај Норвешка, треба да гледате и кон Британија, Германија, Франција, како и САД, покажуваат резултатите од анализата.
