На 5 години затвор е осудена 38-годишна дадилка од Македонија, која работела во Велика Британија. Таа се обидела повеќе од 130 пати да го намести поранешниот партнер за силување и други кривични дела.
Според британските медиуми Сандра Даневска, која работела како дадилка во Хемерсмит, Западен Лондон, го следела нејзиниот поранешен партнер, го набљудувала неговиот дом, му се заканувала, па дури и ги напаѓала неговите девојки.
Сандра била во куса врска со 45-годишниот Дарко Бариќ и тоа пред десет години, а потоа кога раскинале, тој мислел дека останале во пријателски односи. Но, пеколот започнал кога Дарко почнал да се гледа со други девојки. Сакајќи да му се одмазди, Сандра давала лажни сведочења и му направила пекол од животот.
Даневска, работела како дадилка со 60 различни деца. Таа вчера беше осудена на пет години затвор во судот во Ајлсворт Краун.
-Вие сте интелигентна жена, но за жал, сте ја искористиле вашата интелигенција за да му го направите животот на Дарко Бариќ апсолутна мизерија. Сте измачувале две од неговите девојки на сличен начин. Сте имале две куси врски со господинот Бариќ и потоа, како што мислел, сте останале пријатели. Но, кога тој почнал да излегува со други девојки, вие сте почнале континуирана кампања против нив, рекол судијата во образложението на казната.
