Германскиот федерален Комесаријат за заштита на лични податоци и слобода на информирање денеска им забрани на социјалните мрежи Фејсбук и „WhatsApp“ да ги дистрибуираат личните податоци на своите корисници на интернет, јавува дописникот на МИА од Берлин.
Според одлуката на федералното тело, без согласност од своите корисници не смеат да ги користат нивните податоци на своите сервиси. Одлуката формално е донесена во врска со промената на договорот за услуги на двете социјални мрежи од август минатата година според кој Фејсбук и својата фирма ИМ (Инстант пораки) ќе започнат дистрибуција на податоци од своите корисници меѓусебно. По иницијативата од невладини организации и европски институции кои ја осудија ваквата политика на Фејсбук и „WhatsApp“ во која не се бара согласност од корисниците, германските власти истата ја забранија и во иднина двете компании се соочуваат со сериозни финансиски казни ако продолжат со оваа практика.
Одлуката на комесаријатот во Хамбург треба да преседан кој ќе го користат и други европски држави кои што ги испитуваат работењето на „WhatsApp“ и Фејсбук. Двете компании во меѓувреме преговараат со Европската Унија со цел да најдат решение за проблемот поради кој можат да се соочат со намалување на приходите. Приватните податоците кои ги прибираат социјалните мрежи а кои што укажуваат на нивните навики при купување, патување и други активности се користат во маркетинг индустријата на интернет која што секоја година се зголемува за стотици милијарди евра. Во Германија има по околу 35 милиони корисници на „WhatsApp“ и Фејсбук.
