Осумдесет и седум годишна жена се удави во невремето што ја погоди околината на српскиот град Вршац, јави РТС.
Началникот на Управата за спасувачки единици при пожарникарската служба Драган Дончевски, потврди дека едно женско лице настрадало и дека истрагата ќе ги утврди деталите за несреќата.
– Во моментов нема загорзени лица, водата се повлекува, а ние очекуваме водата и понатаму да продолжи да се повлекува. Мислам дека најлошто заврши. На терен се пожарникарските екипи од Панчево и Вршац, исто така се испратени и специјални екипи за спасување од Белград, а подготвена е и жандармеријата, нагласи Дончевски.
Дождот почна да паѓа вчера попладне и за само десетина минути се создадоа вирови на улиците, а водата потопи дел од домаќинствата во местото Уљма, кое е најмногу погодено од невремето.
