По серијата масовни протести и гневниот народ владата на Бугарија попушти. Според последните најави Државната комисија за енергетско и водно регулирање (ДКЕВР) почнала постапка за одземање лиценца на „ЧЕЗ“, чешката компанија која врши дистрибуција на струја во Бугарија, пренесоа бугарските медиуми.
Пред само месец ЧЕЗ ја загуби лиценцата и во Албанија.
Во денешната изјава премиерот Борисов посочи дека не планира да даде оставка, но ја остави отворена можноста за предвремени избори ако продолжат протестите. Истовремено тој најави и поевтинување на струјата за 8%.
Оваа фотографија ја споделуваат бугарските корисници на фејсбук на која се гледаат два опожарени автомобили на компанијата за струја. Според информациите возилата биле опожарени вчера во Пловдив.
