Она што го слушнав за фалсификувањето за лични карти е фрапантно, истакна премиерот Никола Груевски.
-Засега само би им честитал на професионалците во јавното обвинителство и Министерството за внатрешни работи за тоа што успеале да го постигнат и би апелирал до меѓународната заедница одблиску и длабински да го следи процесот, посочи Груевски.
Тој додаде дека се воздржува од поконкретен коментар бидејќи во следни неколку часа очекува, како што рече, да добие повеќе информации по што ќе се произнесе во јавноста.
