Французин на возраст од дваесетина години ја убил мајка си, бидејќи го спречувала да замине во Џихад, јави дописникот на МИА од Париз.
Како што јавија повеќе француски медиуми, настанот се случил изутринава во Авр, кога 20-годишникот ја задавил мајка си со врвка за чевли, бидејќи го попречувала да замине за Сирија.
Според полициски извори, лицето било уапсено и го признало делото, како и неговата припадност во радикално движење. Истиот извор наведува дека осомничениот страдал и од психички проблеми.
