Експлозиите се случиле кај прометна сообраќајна крстосница, пренесува новинската агенција „Доган“.
Локалните медиуми пренесуваат дека експлозиите одекнале во близина на Централната железничка станица во Анкара, која на дневно ниво прима и до 180 возови.
Експолозијата која одекна утринава во 10 часот во центарот на Анкара ја подметнал бомбаш-самоубиец. Бомбата експлодирала под железничкиот мост, а екипите итната медицинска помош ги згрижуваат жртвите во градската болница во Анкара. 
Турската Влада експлозијата ја оценува како терористички напад, а премиерот Ахмет Давитоглу веднаш закажа вонреден состанок.
Нападот е извршен за време на мирниот протест против конфликтот на турските власти со курдските милитанти на југоистокот на Турција.Експлозијата се случила во пресрет на планираниот марш за мир, во знак на протест против судирот на државата и курдските милитанти и југоисточна Турција.
Денеска на градскиот плоштад во Анкара било планирано одржување на протестен митинг под мотото„И покрај војната, веднаш сакаме мир. Мир, работа и демократија“
Собирното место било планирано точно на железничката станица, во близина каде што утринава дојде до експлозија.
