Атанасиос Келемис, претседател на германско-грчката стопанска комора, во интервју за „Ханделсблат” изјави дека хотелите во Грција полека остануваат без храна.
– Големите хотелски синџири имаат храна за уште, можеби, десет дена, а потоа ќе почнат тешкотиите. Грција и Европа мора да почнат да соработуваат – вели Келемис.
Тој додава дека треба итно решение за економијата.
– Ако наскоро нема решение, на крајот на оваа недела може да ги очекуваме и првите отпуштања – вели тој
Поради актуелната ситуација, во Грција наскоро може и да снема и лекови. Поголемиот број на лекови во Грција се увезуваат од другите европски земји. Но, поради кризата во моментов трансферот на пари помеѓу Атина и странство е ограничен, па аптеките и болниците се плашат дека наскоро би можеле да останат без лекови.
