Православните христијани денеска го слават Христовото раѓање – Божик, еден од најрадосните празници. Традиционално тие големиот празник го дочекаа со посна, но богата бадникова трпеза.
Нека годината којашто доаѓа биде време на победа над злото и над непријателствата коишто владеат со светот, да биде време благопријатно за изобилни духовни плодови и време во кое ќе заврши страдањето од подмолната болест; нека биде и време на благодарност до здравствените работници, чија саможртва треба да биде за пример. – истакна во Божиќното послание Архиепископот Охридски и Македонски г.г. Стефан.
Ова, нашево време, е време кога особено се испитува нашата вера, додаде Поглаварот на МПЦ-ОА, осврнувајќи се на положбата на Македонската православна црква и македонскиот народ.
Божик се празнува три дена.
