УХМР информира дека од понеделник ќе преовладува стабилно време со ниски утрински температури, а преку денот температурите ќе бидат во постепен пораст. 
Кон средината на наредната недела се очекува повторно затоплување, односно релативно топло време за овој период од годината.
Времето утре во Македонија ќе биде сончево со мала до умерена облачност и со слаб до умерен северозападен ветер.
Температурата ќе се движи од пет до 14 степени.
Во Скопје ќе биде сончево со мала до умерена облачност и со слаб до умерен северозападен ветер.
Температурата ќе достигне до 11 степени.
