Во јавноста се појавија досега невидени фотографии од Мерлин Монро од 1960-тата година, на кои таа е бремена. Тоа е времето додека била во брак со Артур Милер, но наводно забременила од друг.
Се работи за фотографии направени за време на снимањето на филмот „The Misfits“, а тие биле во сопственост на пријателката на Мерлин Фрида Хол. Се тврди дека фотогрaфиите се доказ за бременоста на Мерлин Монро, која додека била во брак со Артур Милер, забременила од францускиот актер Ив Монтан.
Ова е тајната на холивудската дива која таа не ја откри никогаш, а излезе на виделина 55 години по нејзината смрт.
Според досега објавените податоци за нејзиниот личен живот, Мерлин Монро имала три абортуси и боледувала од ендометриоза. Оние кои ја познавале велат дека сакала да има дете, повеќе од се.
Го загуби животот во 1962 година, на 36 години, но остана една од најголемите холивудски легенди за која се зборува и денеска, пет ипол децении по нејзината смрт.
