Детали за најавениот повик за финансиска поддршка на нискобуџетни авиокомпании, со критериумите за распределба, ќе претстави денеска на прес-конференција министерот за транспорт и врски Горан Сугарески.
Со тендерот за таа намена се планирани над пет милиони евра во следните три години.
Претходно, Владата усвои Програма и уредбата за финансиска поддршка за домашни и странски авиопревозници.
Договорот со „Виз ер“, нискобуџетната авикомпанија, што во изминатите шест години добиваше субвенции од македонската Влада истекува месецов.
Со тендерот за субвенционирање на нискобуџетните авиокомпании, како што изјави неодамна Сугарески, заложбата е што повеќе летови да бидат насочени кон Охридскиот аеродром.
