Инспекции ќе го чешлаат Европски универзитет, потврдил за Радио МОФ Државниот просветен инспекторат.
27 професори и асистенти го напуштиле универзитетот, заради неисплатени плати и незадоволство од условите за работа. Тие информирале дека последните 2 плати им биле дадени на рака и со доцнење, и безплатени никакви придонеси.
– Во тек е инспекциски надзор, повеќе информации околу случајот ќе добиете од понеделник – велат од Државниот просветен инспекторат за Радио МОФ.
Деновиве на социјалните мрежи повеќе граѓани изразија загриженост за функционирањето на универзитетот, а студентите се плашат дека ќе им пропаднат парите кои ги дале за своето студирање. Оставките на професорите и асистентите вчера за Радио МОФ ги потврди и сопственикот на Европскиот универзитет, д-р Бојо Андрески, но тој негираше дека универзитетот има проблеми во секојдневното функционирање.
