Авганистанец ја убил сопругата бидејќи отишла на пазар без да побара дозвола од него.
Убиството се случило во градот Чардара, западен Ваганистан.
– Убиецот по инцидентот избега, а полицијата трага по него, изјави началникот на локалната полиција Мухајудин Хан.
Авганистанската Независна комисија за човекови права минатиот месец изрази загриженост поради зачестеното насилство врз жените. Повеќе од 700 слични случаи се регистрирани од Комисијата во периодот од 20 март до 20 јуни 2013 година, што е за 30 проценти повеќе во споредба со истиот период од минатата гоидина.
Комисијата тврди дека од март до 20 јуни годинава убиени се повеќе од 240 жени од нивни роднини.
