„ТНТ“ е името на најновиот предмет што денеска го објави специјалната јавна обвинителка Катица Јанева, кој се однесува на уривањето на градежниот комплекс „Космос“, сопственост на Фијат Цаноски.
– Сакам да им се обратам на оние кои нечесно ја подриваат работата на СЈО и се закануваат, тоа се лица на кои правдата не им е од интерес и на кукавички начин сакаат да се спасат од неа. Секого ќе го стигне правдата и нема бегање од неа – изјави обвинителката Фатиме Фетаи.
На почетокот на прес конференцијата Јанева се обрати до граѓаните кои секојдневно протестираат во Скопје, и им даваат поддршка на СЈО.
– Многу ви благодарам за секојдневната поддршка која ни ја давате. Тоа за нас е голем мотив во нашата работа – истакна Јанева.
