Петмина мажи биле јавно камшикувани во Иран затоа што јаделе за време на рамазанскиот пост, објавија денеска иранските медиуми
Луѓето кои биле казнети се од градот Керманџах и тие го игнорирале предупредувањето од полицијата за придржување на рамазанските пости и намерно јаделе, изјавил државниот обвинител Али Мозафари, пренесе агенцијата АФП.
Иранските власти секоја година издаваат предупредување до граѓаните дека не смеат да јадат и пијат за време на рамазанските пости кои траат од изгревот до залезот на сонцето. Но некои од граѓаните на Иран не ги следат препораките, посебно во жешките денови кога пијат вода на улица.
