Регистрацијата за половни автомобил ќе поскапи, на удар ќе бидат граѓаните со постари возила – вака дел од трговците ги објаснуваат последиците од предложените измени на Законот за животна средина кои влегоа во собраниска процедура, пренесува 24 вести.
Освен силата на моторот која беше главен критериум во одредување на давачката, сега се бара во формирањето на цената да влезат и годините на старост на возилото и горивото кое го користи.
Од министерството за животна средина, креатор на предложените измени, тврдат дека зголемување на цената нема да има, иако досегашниот еден критериум за утврдување на надоместокот на регистрацијата ќе биде надополнет со плус две ставки.
За граѓаните не е прифатливо евентуалното воведување на повиска давачка.
