Познатиот Gmail сервис воопшто не ги воодушеви корисниците бидејќи за разлика од до сега кога сп пишување на нов мејл автоматски се отвораше нова страница, сега може да пишуваат нов мејл во прозорчето кое излегува на врвот на инбоксот.
Според Гугл ова било многу побрз и полесен начин за пишување на електронска пошта. Сепак, многу корисници не се воодушевени, па дури и преку Твитер изразиле огромно незадоволство, па дури и се заканиле дека доколу не се поправи ова ќе преминат на друг сервис.
Конкретно проблемот е во тоа што со новиот начин на пишување мејл потешко е да се потцртува и нумерира освен ако не знаете скратен начин на тастатурата.
Но и за ова постои решение, а тоа е:
Кога ќе кликнете на „Compose“ ќе се појави икона со стрелка свртена кон надоле, на десниот агол на прозорот каде што постои опција „Temporarily switch back to old compose“ која ќе ве врати на класичниот изглед на Gmail.
