Во полициската станица во Старо Нагоричане вчера околу 15:20 часот 59-годишната Ж.Д. од Куманово пријавила дека истиот ден била силувана.
Имено, околу 15 часот додека била сама во нејзината куќа во село во општина Старо Нагоричане дошол Д.В. (42) и со употреба на физичка сила ја присилил на обљуба, вршејќи други полови дејствија.
Увид на местото на настанот извршила увидна екипа од СВР-Куманово.
Истиот ден околу 16:20 часот од страна на полициски службеници осомничениот бил пронајден и приведен.
Се преземаат мерки за целосно расчистување на случајот.
