Деветнаесет годишен државјанин на Македонија осомничен е од германската полиција дека во Берлин бил вмешан во регрутирање на припадници на Исламската држава (IS).
Германската полиција во вторникот изутрината спровела осум рации во Берлин против лица за кои се сомнева дека се борат за екстремистичката Исламска држава (IS) во Сирија.
Во полициското соопштение се наведува дека Македонецот не е пронајден и се претпоставува дека тој моментно се наоѓа во Сирија, пренесе агенцијата АФП.
Германската разузнувачка служба претпоставува дека околу 600 Германци се имаат приклучено кон џихадистичките групи во Сирија и Ирак.
