Последниот бил регистриран околу 10 часот со магнитуда од 2 до 2,5 степени според Рихтер
До 10 часот утрово сеизмолошката опсерваторија регистрирала дестина послаби земјотреси. Земјата се тресела ноќта и во текот на утрово.
Последниот бил регистриран околу 10 часот со магнитуда од 2 до 2,5 степени според Рихтер.
„После синоќешниот земјотрес во 20:57 имаше уште слаби земјотреси кои беа почувствувани. Последниот беше некаде пред половина час, но тоа беа слаби потреси со рихтерова магнитуда меѓу 2 и 2,5 степени а почувствувани се со интензитет од 3 до 4 степени според европската макросеизмичка скала” – вели Драгана Черник од Сеизмолошката опсерваторија при ПМФ во Скопје.
Таа додава дека нема простор за паника.
„Тоа е сосема нормално таков земјотрес да биде проследен со сеизмичка активност и сосема нормално е да предизвика послаби потреси кои граѓаните ги чувствуваат.” – вели Черник.
