Постапката за продажба на блиндираниот „мерцедес“ е стопирана, како што веќе беше соопштено, бидејќи судскиот процес е во тек и до негово завршување и добивање допис дека тој повеќе не е предмет на судски процес ќе излеземе со нови информации, изјави портпаролот Миле Бошњаковски одговарајќи на новинарско прашање дали возилото ќе остане за потребите на Владата зашто се користи за превоз на високи странски функционери.
Портпаролот смета тоа не е единственото возило во МВР со безбедносни стандарди за заштита на високи делегации кои престојуваат во Македонија но, рече, не може да го потврди тоа.
