Мистеријата продолжи и денеска. Поминаа седум дена, а Владимир Путин никој не го слушнал ниту видел. Откажа два важни состаноци, а се откажа и од официјалната посета на Казахстан.
Последен пат е виден на состанок со италијанскиот премиер Матео Рензи. Во секој случај, чудна ситуација за човек кој ги „бомбардира“ светските медиуми речиси 365 дена во годината.
Откако ја откажа посетата на Казахстан, тамошен владин претставник рекол дека Путин е болен, а таа изјава ги алармира сите во Кремљ и уследија низа деманти.
Последната реакција е од неговиот портпарол Димитриј Песков кој за московска радио станица рекол дека нема причини за грижи, и дека здравјето на Путин е совршено.
