Од сите страни на Скопје, повеќе од 60.000 граѓани маршираат низ скопските улици за одбрана на Македонија.
Масовен одзив на македонскиот народ на повикот на Граѓанското движење за одбрана на Македонија. Реки од народ од повеќе страни се упатува кон Законодавниот дом од каде ќе биде испратена порака за избори на 5-ти јуни и крај на кризата.
Едната група доаѓа од Ѓорче Петров, каде пред Соборниот храм се спои со уште илјадници граѓани и ќе продолжи кон Собранието. Втората поглема група се движи од скопската населба Кисела Вода кон Црвениот крст, со крајна дестинација Собранието.
Третата поголема група од Аеродром преку Веро Центарот се движи кон Собранието.
